ಗುಬ್ಬಚ್ಚಿಗಳು ಚಿತ್ರದ ಅನುಭವ ಹೇಗಿತ್ತು?

ತುಂಬಾ ಚೆನ್ನಾಗಿತ್ತು. ಅದರಲ್ಲಂತೂ ಗುಬ್ಬಚ್ಚಿಗಳ ಬಗ್ಗೆ ಅಜ್ಜಿಯನ್ನು ಕೇಳಿದ ಸನ್ನಿವೇಶ ತುಂಬಾ ಚೆನ್ನಾಗಿತ್ತು.

ಸಿನೆಮಾದಲ್ಲಿ ಆಸಕ್ತಿ ಹೇಗೆ ಬೆಳೆಯಿತು? ಮನೆಯಲ್ಲಿ ಯಾರಾದರೂ ನಟನೆಯಲ್ಲಿ ತೊಡಗಿಸಿಕೊಂಡಿದ್ದಾರೆಯೇ?

ಇಲ್ಲ. ಕಾರ್ಯಕ್ರಮವೊಂದರಲ್ಲಿ ನನ್ನನ್ನು ನೋಡಿ, ಧಾರಾವಾಹಿಯಲ್ಲಿ ಅಭಿನಯಿಸಲು ಆಫರ್ ಬಂತು. ಅದಾದ ಮೇಲೆ ಅವಕಾಶಗಳು ಬರುತ್ತಾ ಹೋದವು.

ಈ ಹಿಂದೆ ಯಾವುದಾದರೂ ಚಿತ್ರ ಅಥವಾ ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದೀರಾ?

'ಪ್ರೀತಿ ಏಕೆ ಭೂಮಿ ಮೇಲಿದೆ' ಚಿತ್ರದಲ್ಲಿ ನಟಿಸಿದ್ದೆ. ಹಾಗೆ ತಕಧಿಮಿತಾ, ನಾಕುತಂತಿ, ಮುಕ್ತಾ, ಮಿಂಚು ಧಾರಾವಾಹಿಗಳಲ್ಲೂ ನಟಿಸಿದ್ದೆ.

ಶಾಲೆ ಹಾಗೂ ಮನೆಯಲ್ಲಿ ಪ್ರೋತ್ಸಾಹ ಹೇಗಿದೆ...?

ಪ್ರಿನ್ಸಿಪಾಲ್ ಅನುಮತಿ ಪಡೆದೇ ನಟನೆಗೆ ಹೋಗುತ್ತೇನೆ. ಮನೆಯಲ್ಲಿ ಅಪ್ಪ- ಅಮ್ಮ ಹೋಮ್‌ವರ್ಕ್ ಬರೆದುಕೊಡೋಲ್ಲ! ಆದರೆ ಓದಿನ ವಿಚಾರದಲ್ಲಿ ನೆರವು ನೀಡುತ್ತಾರೆ.

ಗುಬ್ಬಚ್ಚಿಗಳು ಚಿತ್ರದಿಂದ ನೀವು ಯಾವ ಪಾಠ ಕಲಿತಿರಿ?

ವಿಕಿರಣಗಳಿಂದ ಗುಬ್ಬಚ್ಚಿಗಳು ನಶಿಸುತ್ತಿವೆ. ಈ ಪಕ್ಷಿಗಳನ್ನು ಕಾಪಾಡಬೇಕು. ಪರಿಸರ ಮಾಲಿನ್ಯ ಕಡಿಮೆ ಮಾಡಬೇಕು...