 ಚಂಡೀಗಢದ ಪಂಚಕುಲಾದಲ್ಲಿ ಐಸಿಎಲ್ ಟೂರ್ನಿ ಆರಂಭವಾಗಿರುವ ಕುರಿತು...?
ಚಂಡೀಗಢಕ್ಕೆ ಮತ್ತೆ ಮರಳುವ ಅವಕಾಶ ಸಿಕ್ಕಿತಲ್ಲಾ ಎಂದು ನನಗೆ ತುಂಬಾ ಸಂತೋಷವಾಗಿದೆ. ಇಂತಹ ಶ್ರೇಷ್ಠ ಮಟ್ಟದ ಕ್ರಿಕೆಟ್ ಟೂರ್ನಿಯನ್ನು ನಾನೇ ಮುಂದಾಗಿ ನಿಂತು ನಡೆಸಿಕೊಡುತ್ತೇನೆ, ಅದೂ ಚಂಡೀಗಢದಲ್ಲಿ ಎಂದು ಕನಸಲ್ಲಿಯೂ ಎಣಿಸಿರಲಿಲ್ಲ.
ಐಸಿಎಲ್ನ ಯುವ ಆಟಗಾರರ ಮುಂದಿನ ಭವಿಷ್ಯ?
ನನ್ನೆಲ್ಲ ಪ್ರತಿಭೆಯನ್ನು ಅವರಿಗಾಗಿ ಧಾರೆಯೆರೆ ಯಲಿದ್ದೇನೆ. ಅವರು ಕ್ರಿಕೆಟ್ ಲೋಕದಲ್ಲಿ ಬೆಳೆದು ನಿಲ್ಲುವಂತೆ ಮಾಡುವುದು ನನ್ನ ಉದ್ದೇಶ.
ಐಸಿಎಲ್ ಅಧ್ಯಕ್ಷರಾಗಿ ನಿಮ್ಮ ಕರ್ತವ್ಯ ಏನು?
ಐಸಿಎಲ್ ಅಧ್ಯಕ್ಷನಾಗಿ ನಾನು ಟೂರ್ನಿಯನ್ನು ಅತ್ಯಂತ ವೃತ್ತಿಪರವಾಗಿ ನಡೆಸಿಕೊಂಡು ಹೋಗಬೇಕು. ಅದು ನನ್ನ ಮುಖ್ಯ ಜವಾಬ್ದಾರಿ. ಜೊತೆಗೆ ಆಟಗಾರರಿಗೆ ಇನ್ನೂ ಹೆಚ್ಚಿನ ಅವಕಾಶಗಳನ್ನು ಸೃಷ್ಟಿ ಮಾಡಿಕೊಡಬೇಕು.
ಐಸಿಎಲ್ ಸೇರಲು ಬಿಸಿಸಿಐ ಅನುಮತಿ ಕೇಳಿದ್ದಿರಾ?
ಬಿಸಿಸಿಐ ನನಗೆ ಯಾವ ಹುದ್ದೆಯನ್ನೂ ನೀಡಿಲ್ಲ. ಆ ಹಿನ್ನೆಲೆಯಲ್ಲಿ ಅವರ ಅನುಮತಿ ಕೇಳುವ ಅಗತ್ಯವೂ ಇರಲಿಲ್ಲ.
ಬಿಸಿಸಿಐ ಮೇಲೆ ಐಸಿಎಲ್ ಯಾವ ರೀತಿಯ ಪ್ರಭಾವ ಬೀರಲಿದೆ?
ಕ್ರಿಕೆಟ್ನ ಅಭಿವೃದ್ಧಿಯ ನಿಟ್ಟಿನಲ್ಲಿ ಬಿಸಿಸಿಐ ಎಂದೂ ಬೇರು ಮಟ್ಟದಲ್ಲಿ ಕೆಲಸ ಮಾಡಿಲ್ಲ. ಈಗ ಐಸಿಎಲ್ ಅದರ ಕಣ್ಣು ತೆರೆಸಿದೆ. ನಾವು ಕ್ರಿಕೆಟ್ನ ಅಭಿವೃದ್ಧಿಯ ನಿಟ್ಟಿನಲ್ಲಿ ಬೇರು ಮಟ್ಟದಲ್ಲಿ ಪ್ರಾಮಾಣಿಕ ಕೆಲಸ ಆರಂಭಿಸಿದ್ದೇವೆ.
ಸಾರ್ವಜನಿಕರ ಮೇಲೆ ಐಸಿಎಲ್ ಯಾವ ಪರಿಣಾಮ ಬೀರಲಿದೆ?
ಮೊದಲು ಕ್ರಿಕೆಟ್ಗಾಗಿ ನಿಮ್ಮ ಸಮಯ ವ್ಯಯ ಮಾಡಬೇಡಿ ಎಂದು ಪೋಷಕರು ಮಕ್ಕಳಿಗೆ ಎಚ್ಚರಿಕೆ ನೀಡುತ್ತಿದ್ದರು. ಆದರೀಗ ನಾವು ಕ್ರಿಕೆಟ್ಗೆ ಒಂದು ವೃತ್ತಿಪರ ರೂಪ ನೀಡಿದ್ದೇವೆ.
ಒಬ್ಬ ಆಟಗಾರನಿಗೆ ನೀವು ನೀಡುವ ವಿಶೇಷ ಉಡುಗೊರೆ ಏನು?
ಕ್ರಿಕೆಟ್ ಆಟಗಾರನಾದ ಪ್ರತಿಯೊಬ್ಬನೂ ಅಂತರ್ ರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿಭೆ ಪ್ರದರ್ಶಿಸಲು ಸಾಧ್ಯ ವಾಗುವುದಿಲ್ಲ. ಆದರೆ, ಆತ ಒಬ್ಬ ಉತ್ತಮ ಕ್ರಿಕೆಟಿಗನಾಗಲು ಸಾಧ್ಯ. ಅಂತಹ ಆಟಗಾರರಿಗೆ ನಾವು ಒಂದು ಉತ್ತಮ ಅವಕಾಶ ನೀಡುತ್ತಿದ್ದೇವೆ.
ಭಾರತದ ಹೆಸರಲ್ಲಿ ಒಂದು ದಿನ ಐಸಿಎಲ್ ತಂಡ ಆಡಲಿದೆ ಎಂಬ ನಂಬಿಕೆ ನಿಮಗಿದೆಯೇ?
ಖಂಡಿತ. ಅಂತರ್ ರಾಷ್ಟ್ರೀಯ ಮಟ್ಟದಲ್ಲಿ ನಾವು ಒಂದು ದಿನ ದೇಶವನ್ನು ಪ್ರತಿನಿಧಿಸುವುದು ನೂರಕ್ಕೆ ನೂರು ಖಚಿತ.
|
ನೀವೇನಾದರೂ ನಿಮ್ಮ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದೀರಾ? ಹಾಗಿದ್ದರೆ ನೀವು ಖಂಡಿತ ಚಂಡೀಗಢದಲ್ಲಿ ನಡೆದ ಆ 'ಉತ್ಸವ'ದಲ್ಲಿ ಭಾಗಿಯಾಗಿರಬೇಕಿತ್ತು. ಫಳ-ಫಳ ಹೊಳೆಯುತ್ತಿದ್ದ ಉಡುಗೆ-ತೊಡುಗೆ ತೊಟ್ಟ ಕರೀನಾ ಕಪೂರ್ ನೃತ್ಯ. ಜೊತೆಗೆ ಜೆಕ್ ಮೂಲದ ಐಟಂ ಗರ್ಲ್ ಯಾನಾ ಗುಪ್ತಾ ಥಳುಕು-ಬಳುಕು. ಅಲ್ಲೇ ಇದ್ದರು ಹರಿಯಾಣದ ಮುಖ್ಯಮಂತ್ರಿ ಭೂಪಿಂದರ್ ಸಿಂಗ್ ಹೂಡಾ. ಪಕ್ಕದಲ್ಲಿಯೇ ಭಾರತ ಕ್ರಿಕೆಟ್ ಲೋಕದ 'ಪಾಜಿ', ದೇಶಕ್ಕೆ ಪ್ರಪ್ರಥಮ ವಿಶ್ವಕಪ್ ತಂದುಕೊಟ್ಟ ನಾಯಕ ಕಪಿಲ್ ದೇವ್! ಇದಕ್ಕೆಲ್ಲ ಕಳಶವಿಟ್ಟಂತೆ ಎಲ್ಲೇ ಇದ್ದರೂ ಸದಾ ತನ್ನತನ ತೋರಿಸುವ ಕೇಂದ್ರ ರೈಲ್ವೇ ಸಚಿವ ಲಾಲೂ ಪ್ರಸಾದ್ ಯಾದವ್ 'ಜೋಕ್'ಗಳ ಮಳೆ ಸುರಿಸುತ್ತಿದ್ದರು.
ಬಿಸಿಸಿಐ ಮತ್ತು ಐಸಿಎಲ್ ನಡುವಿನ ಈ ಮಹಾಯುದ್ಧ ಟ್ವೆಂಟಿ-20 ಕ್ರಿಕೆಟ್ ಪಂದ್ಯಗಳಷ್ಟೇ ರೋಮಾಂಚಕ. ಮೈದಾನದಲ್ಲಿ ಬೌಲರ್ನ ಪ್ರತಿಯೊಂದು ಎಸೆತವನ್ನೂ ಬೌಂಡರಿಗೆ ಚಚ್ಚಲು ಬ್ಯಾಟ್ಸ್ಮನ್ ಹಪಹಪಿಸುತ್ತಿದ್ದರೆ, ಆದಷ್ಟು ಬೇಗ ಬ್ಯಾಟ್ಸ್ಮನ್ಗೆ ಪೆವಿಲಿಯನ್ ಹಾದಿ ತೋರಿಸಲು ಬೌಲರ್ ಕಾಯುತ್ತಿರುತ್ತಾನೆ. ಆದರಿಲ್ಲಿ ಬ್ಯಾಟ್-ಬಾಲ್ ನಡುವೆ ಕದನ ನಡೆಯುತ್ತಿಲ್ಲ. ಬದಲಾಗಿ ಎರಡು ಶಕ್ತಿಶಾಲಿ ಹಣಕಾಸು ಸಂಸ್ಥೆಗಳ ನಡುವೆ ಮಹಾಯುದ್ಧ! ಸದ್ಯ ಕ್ರಿಕೆಟ್ನ ಮೆಕ್ಕಾ ಎಂದೇ ಖ್ಯಾತಿ ಪಡೆದಿರುವ ಭಾರತದಲ್ಲಿ ಈಗ ಎರಡು ಗುಂಪುಗಳ ನಡುವಿನ ಒಣಪ್ರತಿಷ್ಠೆಯ ಪ್ರತೀಕವಾಗಿದೆ ಈ ಯುದ್ಧ. ಭಾರತದಲ್ಲಿ ತನ್ನ ಪ್ರಭುತ್ವ ಸಾಧಿಸಲು ಐಸಿಎಲ್ ಮುನ್ನುಗ್ಗಿ ಸಾಗುತ್ತಿದ್ದರೆ, ಅವರನ್ನು ಬೇರಿನಿಂದಲೇ ಕಿತ್ತೊಗೆಯಲು ಬಿಸಿಸಿಐ ತನ್ನೆಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದೆ. 
ಇಂತಹ ಒಂದು ರೋಮಾಂಚಕಾರಿ ಸನ್ನಿವೇಶದ ನಡುವೆಯೇ ಚಂದ್ರ ಭಾರತ ಕ್ರಿಕೆಟ್ ಲೋಕದ ಜೀವಂತ ದಂತಕಥೆ, ಕಪಿಲ್ ದೇವ್ ಅವರನ್ನು ಬಲೆಗೆ ಹಾಕಿಕೊಳ್ಳುವಲ್ಲಿ ಯಶಸ್ವಿಯಾದರು. ಈ ನಡುವೆ ಬಿಸಿಸಿಐನಲ್ಲಿ ಜಗಮೋಹನ್ ದಾಲ್ಮಿಯ ಯುಗ ಅಂತ್ಯವಾಗಿ ಪವಾರ್ ಯುಗ ಆರಂಭವಾಗಿತ್ತು. ಶರದ್ ಪವಾರ್ ನೆರಳಲ್ಲಿಯೇ ಕಪಿಲ್ ಅವರನ್ನು ತಮ್ಮ ತೆಕ್ಕೆಗೆ ಸೆಳೆದುಕೊಂಡ ಚಂದ್ರ, ಅವರನ್ನು ಐಸಿಎಲ್ ಅಧ್ಯಕ್ಷ ಸ್ಥಾನದಲ್ಲಿ ಕೂರಿಸಿಯೇ ಬಿಟ್ಟರು. ಆ ಹಂತದವರೆಗೂ ಬಿಸಿಸಿಐ, ಈ ವಿರೋಧಿ ಕ್ರಿಕೆಟ್ ಲೀಗ್ ಎಂದೂ ಅಸ್ತಿತ್ವಕ್ಕೆ ಬರಲಾರದು ಎಂಬ ಗಾಳಿ ಸುದ್ದಿ ಹರಡಿಸುತ್ತಲೇ ತೃಪ್ತಿ ಪಟ್ಟುಕೊಂಡಿತ್ತು. ಆದರೆ, ಐಸಿಎಲ್ಗೆ ಒಮ್ಮೆ ಕಪಿಲ್ ರಂಗ ಪ್ರವೇಶವಾದ ಕೂಡಲೇ ಚಿತ್ರವೇ ಬದಲಾಗಿ ಬಿಟ್ಟಿತು. ಆಗ ಬಿಸಿಸಿಐಗೆ, ಮುಂದಿರುವುದು ಮಹಾಯುದ್ಧ ಎಂಬ ಅರಿವಾಯಿತು. ಕೂಡಲೇ ಐಸಿಎಲ್ ಮಣ್ಣು ಮುಕ್ಕಿಸುವ ಎಲ್ಲ ತಂತ್ರಗಳನ್ನು ಬಿಸಿಸಿಐ ಆರಂಭಿಸಿಯೇ ಬಿಟ್ಟಿತು. ಹಾಗೆಯೇ ಇಬ್ಬರ ನಡುವೆ ಮಾತಿನ ಚಕಮಕಿಗಳೂ ಆರಂಭವಾದವು. ಯಾವುದೇ ಕಾರಣಕ್ಕೆ ಐಸಿಎಲ್ಗೆ ಮೂಲಸೌಲಭ್ಯಗಳನ್ನು ಬಳಸಲು ಅವಕಾಶ ಮಾಡಿಕೊಡಬೇಡಿ ಎಂದು ಬಿಸಿಸಿಐ ಅದರ ನೆರಳಡಿಯಲ್ಲಿ ಬರುವ ಎಲ್ಲ ಕ್ರಿಕೆಟ್ ಸಂಸ್ಥೆಗಳಿಗೆ ತಾಕೀತು ಮಾಡಿತು. ಐಸಿಎಲ್ನಲ್ಲಿ ಆಡುವ ಕ್ರಿಕೆಟ್ ಆಟಗಾರರು ಬಿಸಿಸಿಐ ಸರಣಿಗಳಲ್ಲಿ ಆಡುವ ಅರ್ಹತೆ ಕಳೆದುಕೊಳ್ಳುತ್ತಾರೆ ಎಂಬ ಬೆದರಿಕೆಯನ್ನು ಹಾಕಿತು. ಅದಕ್ಕಿಂತ ಇನ್ನೂ ಒಂದು ಹೆಜ್ಜೆ ಮುಂದೆ ಹೋದ ಬಿಸಿಸಿಐ ಒಎನ್ಜಿಸಿ ಅಂತಹ ಸಂಸ್ಥೆಗಳಿಗೆ "ನಿಮ್ಮಲ್ಲಿ ಕೆಲಸ ಮಾಡುವ ಆಟಗಾರರಿಗೆ ಐಸಿಎಲ್ ಜೊತೆ ಹೋಗಬೇಡಿ ಎಂದು ಹೇಳಿ" ಎಂಬ ಒತ್ತಡ ಕೂಡ ಹೇರಿತು.
"ಐಸಿಎಲ್ ಟೂರ್ನಿ ನಡೆಯುವ ಸಂದರ್ಭದಲ್ಲಿ ಪ್ರದರ್ಶಿಸುವ ಸಲುವಾಗಿ ಒಂದು ಜಾಹೀರಾತಿನ ಚಿತ್ರೀಕರಣಕ್ಕೆ ಸಿದ್ಧತೆ ನಡೆದಿತ್ತು. ಮೂಲ ಯೋಜನೆಯ ಪ್ರಕಾರ ಆ ಜಾಹೀರಾತನ್ನು ಬಿಸಿಸಿಐ ಸುಪರ್ದಿಗೆ ಬರುವ ಒಂದು ಕ್ರೀಡಾಂಗಣದಲ್ಲಿ ಚಿತ್ರೀಕರಿಸಲು ಯೋಚಿಸಲಾಗಿತ್ತು. ಒಮ್ಮೆ ಈ ಜಾಹೀರಾತು ಐಸಿಎಲ್ಗಾಗಿ ಎಂದು ಅರಿವಾದ ಕೂಡಲೇ ಬಿಸಿಸಿಐ ಚಿತ್ರೀಕರಣಕ್ಕೇ ಅವಕಾಶ ನೀಡಲಿಲ್ಲ" ಎಂದು ಝೀ ಟೆಲಿವಿಷನ್ ಉಪಾಧ್ಯಕ್ಷ ಆಶೀಶ್ ಶುಕ್ಲಾ ವಿವರ ನೀಡಿದರು. ಶುಕ್ಲಾ ಈ ಮಹಾಯುದ್ಧದ ಮಹಾ ದಂಡನಾಯಕರಲ್ಲಿ ಒಬ್ಬರು. ಐಸಿಎಲ್ ಉದ್ಘಾಟನೆ ನಂತರ ಎಂದಿನಂತೆಯೇ ತಮ್ಮ ಆಕ್ರಮಣಕಾರಿ ಮನೋಭಾವ ಪ್ರದರ್ಶಿಸಿರುವ ಚಂದ್ರ, "ಐಸಿಎಲ್ಗೆ ಪುಕ್ಕಟೆ ಪ್ರಚಾರ ಒದಗುವಂತೆ ಮಾಡಿದ ಬಿಸಿಸಿಐಗೆ ನನ್ನ ಕೃತಜ್ಞತೆಗಳು. ಐಸಿಎಲ್ ಪ್ರಚಾರಕ್ಕಾಗಿ ನಾವು ಹೆಚ್ಚು ಹಣ ಖರ್ಚು ಮಾಡಲೇ ಇಲ್ಲ!" ಎಂದು ಮಾತುಗಳ ಮೂಲಕ ಚುಚ್ಚಿದ್ದಾರೆ. ಬಿಸಿಸಿಐನ ಉಳಿದ ಪದಾಧಿಕಾರಿಗಳು ಐಸಿಎಲ್ ಮೇಲೆ ಟೀಕೆಯ ಮಳೆ ಸುರಿಯುತ್ತಿದ್ದರೆ, ಅಧ್ಯಕ್ಷ ಶರದ್ ಪವಾರ್ ಮಾತ್ರ ಎದುರಾಳಿಗಳನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸುವ ತಂತ್ರ ಬಳಸಲಾರಂಭಿಸಿದ್ದಾರೆ.
ಕ್ರಿಕೆಟ್ನ ಅಭಿವೃದ್ಧಿಗಾಗಿ ಬಿಸಿಸಿಐ ಭವಿಷ್ಯದಲ್ಲಿ ಯಾವ್ಯಾವ ಯೋಜನೆ ಹಾಕಿಕೊಳ್ಳಲಿದೆ?
ಸದ್ಯ ಕೋಚ್ ಇಲ್ಲದ ಭಾರತ ತಂಡ ಉತ್ತಮ ಪ್ರದರ್ಶನವನ್ನೇ ನೀಡುತ್ತಿದೆ. ತಂಡದ ಹಿರಿಯ ಆಟಗಾರರು ಕೋಚ್ಗಿಂತ ನಾಯಕನ ಸ್ಥಾನವೇ ಪ್ರಮುಖವಾದದ್ದು ಎಂದು ಹೇಳುತ್ತಿದ್ದಾರೆ. ಹಾಗಿರುವಾಗ ಬಿಸಿಸಿಐ ಕೋಚ್ ನೇಮಕ ಮಾಡಿದ್ದೇಕೆ?