An IIPM Initiative
मंगलवार, अक्टूबर 21, 2014
 
 

आज से जाति,आय आ आवासीय प्रमाण पत्र ऑनलाईन

 

विशेष संवाददाता | पटना, दिसंबर 1, 2011 11:48
 

बिहार सरकार सेवा के अधिकार के अउर पारदर्शी आ सरल बनावत 1 दिसम्बर से ऑन लाईन के सुविधा प्रदान क दीहले. अब घर बइठे अभ्यर्थी इंटरनेट के माध्यम से आय, जाति आ दोसर प्रमाणपत्र के पा सकिहें. ई उनके खातिर ढेर सुविधाजनक हो गइल जवन अप्रवासी बिहारी बाड़े अउर दोसरा राज्यन में अचानक ओह चीजन के जरूरत पड़ गइल. ऊ दोसरा राज्यन में बइठले-बइठले आवेदन क सकत बाड़े आ राज्य में दोसरा जगह से आवेदन क सकत बाड़े. बाकिर, निर्धारित अवधि में उनके अंचल के पदाधिकारी से मिल के ओह प हस्ताक्षर के सत्यापित करे के पड़ी. एह से प्रखंड में उमड़त भीड़ कम होखी दोसरा ओर लोगन के तत्काल सुविधो मिली. एकरा खातिर सरकार वसुधा केन्द्रन के बतौर फीस अल्प राशि निर्धारित क दीहले बा. 

 

एह आशय के जानकारी आज इहवां सामान्य प्रशासन विभाग के प्रधान सचिव दीपक कुमार संवाददाता सम्मेलन में दीहले. ऊ कहन कि अब तक राज्य के कुल 38 जिला में 5522636 आवेदन मिलल बा. ओह में लगभग 40 लाख आवेदन बस जाति, आय आ आवासीय प्रमाण-पत्र खातिर बा. ऊ स्क्रीन प आवेदन के प्रक्रिया के प्रदर्शित करत कहन कि ऑन लाईन आवेदन के प्रकिया बा-www.gad.bih.nic.in प login करीं, RIGHT TO PUBLIC SERVICES चुनीं आ apply online क्लिक करीं. स्क्रीन प प्रदर्शित सूचना पढ़ के हम सहमत बानी आई एग्री बटन प क्लिक करे के बाद वांछित नम्बर अउर सूचना के अंकित करीं. एक सवाल के जवाब में ऊ कबूलले कि कइगो जिला में निर्धारित अवधि में सेवा के अधिकार के तहत कार्य ना भइल. नतीजा, ओह जगह प अपील में लोग चल गइले. 
 
आलेख कतना पढ़ल गइल:
बाउर बढ़िया    
हाल के रेटिंग 2.3
Post CommentsPost Comments




तारीख: अप्रैल 18, 0000

फोटो
जिजेले के नौटंकी